نجوم المهرجانات شحتة كاريكا واوكا واورتيجا ووزة وشعوذة هاتى بوسة يا بت احا الشبشب ضاع مع السلامه يا فلوس لما عم الحاج يعدى انسى هموم الدنيا يا صاحبى كلمات جديدة وموسيقى خارجة عن النص بطبلة مجنونة وايقاعات شبيهه بالراب والهيب هوب الامريكى ورقص فيه طاقة وحيوية الترامادول وهلوسة الحشيش والشباب المراهق راكب توك توك ومشغل مهرجان وفى اى لحظة ممكن يرقص تحت تاثير الدرامز والطبلة والموسيقى التكنو الممكن انتاجها من اى حد بتاع دى جى دا بيسموه غناء درجة تانية لانه خارج عن النص بكلمات غاية فى الهرتلة والحقيقة هو غناء غير مفتعل وغير ملتزم بقافية او جملة موسيقية طربية هو عايز بس يخلى الشباب يرقص والكلمات بيعتبرها بديهيات او مسلمات المهم الطبلة ما تقفش رايى الخاص ان الفن دا هيتطور وهتحصله عملية تشذيب او صنفرة لجعله ينتشر للطبقة المتوسطة